I riu Pasquale M, mund të fitojë çmimin (nëse do të ketë një të tillë) si hajduti më i ngathët i makinave në botë.
Një natë, i riu u përpoq të vidhte një makinë të parkuar në një garazh, por më pas, ndoshta nga frika se do të zbulohej, ai eci aq shumë sa e përplasi mjetin me murin e ndërtesës.
Përplasja tërhoqi vëmendjen e banorëve të një pallati tjetër aty pranë, të cilët bllokuan rrugën deri në ardhjen e karabinierëve.
Kështu, 23 vjeçari nga San Severo, në provincën e Foggia-s, u arrestua dhe mëngjesin e sotëm u paraqit përpara gjykatës.
Le të rindërtojmë historinë
Ndodhemi në rrugën “del Ricordo” në zonën Crescenzago. Menjëherë pas orës 22:00 të darkës, një grua në ballkon duke pirë cigare, dëgjoi një zhurmë të madhe.
Ajo shesh një Clio të bardhë gjysmë të shkatërruar pasi u përplas me murin. Në atë moment, 43-vjeçarja me origjinë shqiptare kthehet në shtëpi dhe menjëherë njofton bashkëshortin dhe një kushëri, shkruan “Il Giornale”.
Dy burrat dalin pa hezitim dhe ndjekin tre kriminelët. Ndërkohë që dalin nga makina, dy arrijnë të shpëtojnë, ndërsa i riu Pasquale M., është bllokuar në vend. Burrat lajmërojnë policinë dhe menjëherë një patrullë e karabinierëve, arrestojnë të riun.
Në oborr gjendet edhe pronari i dëmtuar i “Clio”, i cili raporton se e ka parkuar atë në garazh me dyer të hapura dhe çelësat brenda. Në fakt, hetuesit konstatojnë se dera e garazhit ishte paksa e manipuluar nga tre hajdutët. Tani, policia është në “gjueti” për dy kriminelët e arratisur.