Hysen Pici ishte personi në drejtim të mjetit që shtypi efektivët e Policisë. Dy efektivë policie janë përplasur nga një makinë e cila po lëvizte në sens të kundërt. Efektivët i kishin bërë thirrje të ndalonte por drejtuesi i mjetit ka vijuar lëvizjen duke përplasur dy punonjës te Forcave operacionele të DVP Durres. Njëri polic ndodhet aktualisht në spital për ndihmë mjekësore, jashtë rrezikut për jetën.
Forcat operacionale të DVP Durrës janë vënë në ndjekje ku kanë bërë të mundur kapjen e njerit prej personave që ndodhej në mjet i cili ështe kapur me armë zjarri pistoletë. Vijon ndjekja për kapjen e personit tjeter. Mësohet se ka pasur dhe të shtëna armësh.
Fillimisht u raportua për të shtëna me armë zjarri në lagjen nr. 1 të qytetit të Durrësit në zonën e Currilave. Nga informacionet e para mësohet se nga një makinë “Range Rover” në ngjyrë të bardhë ku udhëtonin dy persona është shtënë në drejtim të një automjeti tjetër. Policia ka ngritur pika kontrolli dhe po punon për arrestimin e autorëve dhe zbardhjen e ngjarjes.