Një ngjarje e pazakontë ka tronditur Italinë, vetëm dy ditë para zgjedhjeve lokale, ku një kandidat i partisë “Frateli d’Italia” (Vëllezërit e Italisë), e ekstremit të djathtë të Italisë, u arrestua pasditen e sotme me akuzën për bashkëpunim me mafian, për të përfituar vota.
Në pranga ka rënë Francesco Lombardo, 54 vjeç, i cili në përgjimet e policisë, del duke komunikuar me “kumbarin” Vincenzo Vela, i cili ishte dënuar me 20 vite burg dhe së fundmi ishte liruar.
Lombardo u zbulua se i kishte kërkuar hapur “kumbarit” të Cosa Nostra që ta mbështeste me të gjitha forcat për t’u zgjedhur në këshillin bashkiak të kryeqytetit sicilian.
Për të njëjtën akuzë u arrestuan pak ditë më parë Pietro Politsi, kandidat i partisë “Forza Italia”, mafiozi Agostino Sansone dhe bashkëpunëtori i tij Manlio Poretto.