Ekipet e shpëtimit kanë gjetur trupat e shtatë personave të vrarë në një përplasje helikopteri në Itali, thanë autoritetet lokale të shtunën, dy ditë pasi avioni u zhduk nga ekranet e radarëve.
Helikopteri ishte nisur të enjten nga Lucca në Toskanë dhe po shkonte drejt qytetit verior të Trevisos kur humbi në mot të keq në një zonë të largët, raporton noa.al duke cituar Reuters.
“Ekipet kanë gjetur të vdekur shtatë pasagjerët e helikopterit, katër turq dhe dy të kombësisë libaneze, të cilët ishin në një udhëtim pune në Itali, si dhe pilotin italian,” tha zyra e prefektit në qytetin e Modenës.
Helikopteri u gjet në një zonë malore në kufirin midis Toskanës dhe rajonit Emilia Romagna. Prokurorët kanë rrethuar zonën në kuadër të hetimeve për ngjarjen.