Një metodë e re e bombardimit të kundërshtarit është përdorur nga Rusia në Ukrainë. Mediat kanë publikuar fotot e një droni të përdorur për të sulmuar vijën e parë të Kievit me granata, të cilat mbahen poshtë tij në filxhanë plastikë kafeje.
Armët e montuara u gjetën kur pajisjet u rrëzuan në periferi të Marinkas, më pak se gjysmë milje nga linjat ruse.
Pamjet e forcave ukrainase tregojnë dy dronë “Mavic 3”, me vlerë mbi 2 mijë euro që janë transformuar në granatambajtës.
Një nga fotot tregon një granatë me gjilpërën e saj të nxjerrë brenda një filxhani. Kupa ishte ngjitur me dronin nga një kordon najloni me një lidhëse kablloje që ndalonte shpërthimin aksidental të granatës.
Një komandant ukrainas tha për mediat: “Nuk jemi të sigurt se si duhet të punojnë, por fatmirësisht ky rast dështoi”.
Ai shtoi: “Avantazhi për ne është se këta dronë nuk mund të fluturojnë shumë lart dhe ne mund t’i rrëzojmë ata”.
Ndërkohë, prodhuesit e këtij lloji droni ndaluan shitjet në Ukrainë dhe Rusi në prill për shkak të “shqetësimeve për përdorimin ushtarak”. Dronët e prodhuar në Kinë kanë një distancë prej 15 km dhe një kohë maksimale fluturimi prej 43 minutash.