Varianti Omicron i koronavirusit ka më pak gjasa të shkaktojë COVID –in e zgjatur sesa variantet e tjera.
Studiuesit në King’s College në Londër zbuluan se gjasat për të kaluar Covidin e zgjatur pas infektimit ishin 20% deri në 50% më të ulëta gjatë valës Omicron në Mbretërinë e Bashkuar krahasuar me atë të variantit Delta.
Ndërsa rreziku i Covid-it të zgjatur ishte më i ulët gjatë valës së Omicron, më shumë njerëz u infektuan. Disa nga simptomat e Covidit të zgjatur janë lodhja kronike, dhimbje koke, pagjumësia, çrregullimi i rrahjeve të zemrës dhe vështirësi në frymëmarrje.
Kjo po konsiderohet gjithnjë e më shumë si një problem i shëndetit publik dhe studiuesit janë përpjekur të zbulojnë nëse Omicron paraqet një rrezik të madh të Covid-it të zgjatur në krahasim me variantet e tjera.
Vlen të theksohet se rreziku që personat të preken nga Covidi i zgjatur është më i ulët vetëm për njerëzit e vaksinuar me të dyja dozat.