Drejtoria e Përgjithshme Detare ka dhënë një njoftim të rëndësishëm pak minuta më parë. Njoftimi lidhet me motin e keq që pritet të përfshijë vendin tonë dhe ujërat tanë territorial gjatë ditëve në vijim.
“Ju njoftojmë se duke filluar nga dita e mërkure 2 Janar 2019, deti Adriatik dhe Jon do të përfshihen nga erë e fortë dhe temperatura nën zero. Kjo situatë do të vazhdojë për disa ditë. Ju lutemi gjithë subjekteve që ushtrojnë veprimtari lundrimore të kenë kujdes dhe të marrin gjithë masat e duhura për të parandaluar incidente të mundshme që mund të vijnë si pasoje e motit te keq!”, thuhet në njoftim.
Sakaq Shërbimi Meteorologjik Ushtarak sqaron se nesër mbi vendin tonë pritet depërtimi gradual i masave ajrore me origjinë arktike të cilat do të sjellin mot të acartë për ditët në vijim. Deri në orët e mesditës moti do të jetë me kthjellime dhe më pas shtim gradual të vranësirave deri në të dendura në të gjithë territorin. Vranësirat do të shoqërohen fillimisht me reshje shiu të dobëta dhe më pas për shkak të rënies së temperaturave do të konvertohen në reshje dëbore. Temperaturat në vlerat minimale pritet të pësojnë rënie dhe të jenë në vlerat negative kurse ato të mesditës një rënie të lehtë.
Më konkretisht:
Në zonat malore -5° deri 7°C
Në zonat e ulëta -3° deri 12°C
Në zonat bregedetare 0° deri 12°C