Daily mail ka publikuar pamjet dramatike të cilat tregojnë momentin kur një kolonel rus rrëzohet me helikopterin e tij pasi u godit me një raketë ukrainase. Nënkoloneli Sergey Gundorov, 51 vjeç, u godit pranë Volnovakha në Donbas.
Helikopteri ushtarak fluturoi dhe pak pasi u godit nga raketa portative tokë-ajër dhe u rrëzua më pas në tokë duke shpërthyer në flakë.
Gundorov është koloneli i 55-të i njohur rus që u vra në luftën në Ukrainë, ai zotëronte plotë tre Urdhra të Guximit, të fituar më parë. Koleneli ndërroi jetë më 16 qershor, ndërkohë që vdekja e tij është pranuar sot nga autoritetet ruse.
Ndër ngushëllimet për kolonelin, baba i martuar i dy fëmijëve, ishte një mesazh nga djali i tij më i vogël adoleshent Ilya duke thënë thjesht: “Të dua babi”.
Vdekja e tij vjen pas humbjes së dy kolonelëve të njohur javën e kaluar – kolonelit Sergei Krasnikov, 56 vjeç, i dekoruar me shumë medalje dhe i cili kishte dalë vullnetar për t’u bashkuar me forcat për të shkuar në luftë, si dhe kolonel Sergei Postnov – në të 40-at.
Kujtojmë se Putin ka humbur gjithashtu të paktën 11 gjeneralë. Humbjet e përgjithshme ruse besohet të jenë mbi 30,000.