Kryeministri Edi Rama ka treguar më tej për projektin e portit të ri të Durrësit, për të cilin thotë se do të jetë një nga portat më strategjike të Mesdheut nga ana e ekonomisë.
Kreu i qeverisë teksa ka ndarë një video një facebook, thotë se projekti i integruar me hekurudhën Durrës-Prishtinë dhe portin e thatë në Prishtinë, do të transformojë rrënjësisht jo vetëm infrastrukturën tregtare mes Shqipërisë dhe Kosovës, po edhe gravitetin ekonomik rajonal.
“MIRËMËNGJES dhe me projektin ambicioz të Portit të ri të Durrësit, paraqitur në mbledhjen e përbashkët të dy qeverive, si projekt i integruar me projektin e hekurudhës Durrës-Prishtinë dhe portin e thatë në Prishtinë, që do të transformojë rrënjësisht jo vetëm infrastrukturën tregtare mes Shqipërisë dhe Kosovës, po edhe gravitetin ekonomik rajonal, duke e kthyer Durrësin në një nga portat strategjike të ekonomisë së Mesdheut, ju uroj një ditë të bukur”,-shkruan Rama në facebook.