Asambleja Kombëtare në Bullgari rrëzoi nga detyra qeverinë e kryeministrit Kiril Petkon.
Rrëzimi i qeverisë erdhi pas mocionit të mosbesimit nga ana e opozitës për shkak të dështimeve ekonomike, ku u votua me 123 vota pro dhe 116 kundër.
Ky vendim vjen në një moment kur Bullgaria hoqi sot veton ndaj Maqedonisë së Veriut, për të ecur përpara me hapjen e negociatave me Bashkimin Evropian.
Ky rezultat ishte i pritshëm, duke pasur parasysh se Slavi Trifonov tërhoqi partinë e tij ITN nga koalicioni qeveritar në fillim të këtij muaji, duke përmendur çështjet e Maqedonisë së Veriut dhe rishikimin e buxhetit.
Qeveria e 99-të e Bullgarisë me kryeministër Kiril Petkov u zgjodh më 13 dhjetor 2021. Para formimit të saj, vendi shkoi në zgjedhje tre here, një rekord në historinë e Bullgarisë dhe vetëm parlamenti i zgjedhur më 15 nëntor arriti të emërojë një kabinet.