Një aksident me vdekje ka ndodhur mbrëmjen e kësaj të mërkure në aksin Shkodër-Koplik.
Nga informacionet paraprake bëhet me dije se një person me biçikletë ka ndërruar jetë, pasi është përplasur nga një makinë.
Dyshohet se viktima është e seksit femër dhe e moshës rreth 34-40 vjeç njofton policia, ndërkohë që po vijon puna për identifikimin e saj.
Grupi hetimor dhe policia ndodhen në vendngjarje dhe po punojnë për sqarimin e rrethanave të aksidentit.
Shkodër/Informacion paraprak
Rreth orës 21:20, në aksin rrugor Shkodër-Koplik, në zonë të fshatit Shtoj, konkretisht në afërsi të një kompleksi sportiv, shtetasi G.B. 27 vjeç, banues në Shtoj, duke drejtuar automjetin e tij tip “Volkswagen”, ka aksidentuar një shtetase që lëvizte me biçikletë, ende e paidentifikuar, e seksit femër, rreth 35-40 vjeçe, e cila ka ndërruar jetë.
Drejtuesi mjetit është shoqëruar në ambjentet e DVP Shkodër për veprime të mëtejshme procedurale.
Grupi hetimor po vijon punën hetimore për sqarimin e rrethanave të aksidentit.