Akuzat e Sali Berishës këtë të enjte nga jashtë Kuvendit, u adresuan për Taulant Ballën, për të cilën tha se ka përgjime dhe telefonata që vërtetojnë se ka lidhje me Gentian Sharrën, të arrestuarin në kuadër të operacionit “Plumbi i artë” që iu sekuestruan dhe 5 milion euro pasuri. Berisha shtoi më tej edhe se ka përgjime e telefonata që vërtetojnë se Sharra është njeriu që ka blerë vota për PS-në në vitin 2017.
“Dola këtu për të denoncuar publikisht lidhjet e mëdha dhe të tmerrshme të Taulant Begos me Gentian Sharrën,njërin prej anëtarëve më të rrezikshëm të Bandës së Elbasanit.
Mes Taulant Begos dhe Sharrës ekzistojnë të patën 50 telefonata dhe qindra kilometra zbardhje të gjata të këtyre bisedave. Biseda që e faktojnë Taulant Begon anëtar të inkriminuar të bandës së famshme të Elbasanit. Taulant Bego ka marrë përsipër, ka dhënë porosi nga më të paligjshmet dhe ka kryer detyra nga më të paligjshmet në interes të Gentian Sharrës.
Gentian Sharra është njeriu që ka blerë vota për anëtarin kriminel të Bandës së Elbasanit, që quhet Taulant Bego. Për PS-në dhe atë. Ju bëj thirrje që të publikoni çdo regjistrim, çdo dokument, i cili implikon apo njëson Edi Ramën, bashkëpunëtorët e tij me Bandën e Elbasanit. Bëhet fjalë për biseda për ngjarje të shumta. Po fole me bandat, flet vetëm për krimet, nuk flet për dashuri. Ta keni të qartë këtë”.