Ish-zv/kryeministri, deputeti socialist Erion Braçe është zëri më opozitar në PS, por edhe më shumë se vetë PD-ja. Në seancën e kësaj të enjte, Brace është ndalur tek administrata publike, ku ka thënë se është e mbushur me skiftera e me njerëz të paaftë.
“Kur flasim për administratën publike i ndajmë punët nga nënpunës që duhet të plotësojnë politika. Me këta të 2-tët e kam unë, ka njerëz të paaftë, pa vizion, nuk e kanë idenë se çfarë është interesi publik. Priren nga interesi privat, mendojnë se shteti është diçka që fitohet më shumë se përtej rrogës.
Këtu e 30 vjet kapitalizmi i ndërtuar nga këto njerëz po kthehet në kapitalizëm skifterësh. Për këtë arsye kërkohet një strehë e qetë në shtet. Ligjet janë revolucionarizuar. Sot ka një databaze që zbatohet me përpikmëri, por a mjafton kaq. Javën që shkoi fola për dikë që ishte shqetësuar për çmimin e grurit, një javë më pas çmimi po shkon aty ku duhet.
Ne nuk kemi kapitalizëm demokratik, doni t’jua tregoj, dje çmimi i shalqirit ishte me 10 lekë. Në datën 21, 33.3 lekë eksport. Korrupsioni i administratës publike e vuajnë fermerët, paratë e fermerëve i marrin këta që e kanë kthyer në kapitalizëm skifterësh”.