Ish-kryeministri i Bullgarisë Kiril Petkov, i rrëzuar nga Parlamenti i Bullgarisë ka reaguar në lidhje me miratimin e propozimit të Presidencës Franceze të Këshillit të BE-së për fillimin e negociatave për anëtarësimin e Maqedonisë së Veriut në BE.
Ai shkruan se Parlamenti bullgari mori sot një vendim historik teksa ka shtuar se Integrimi i Ballkanit Perëndimor është interesi strategjik i BE.
“Parlamenti bullgar sot mori një vendim historik duke i dhënë dritë jeshile propozimit francez për anëtarësimin e Maqedonisë së Veriut në BE. Integrimi i Ballkanit Perëndimor është interesi strategjik i Bashkimit Europian”, shkroi Petkov në Twitter.