Analisti Ben Andoni shprehet se heqja e vetos së Bullgarisë lehtësoi procedurat për anëtarësimin në BE, dhe se tashmë i takon kësaj të fundit të plotësojë modalitetet.
Më tej, ai i cilësoi reagimet e kryeministrit Edi Rama gjatë samitit të BE, jashtë protokollit. Sipas tij, shefi i qeverisë duhet të jetë më i kujdesshëm.
“Reagimet e Ramës janë jashtë protokollit, janë gjëra të papranueshme për gjuhën që përdoret për BE. Rama duhet të jetë më i kujdesshëm, por mesa shikoj njerëzit që janë përreth tij, nuk e kanë mundësinë ta ekuilibrojnë…Sot janë lehtësuar procedurat, sepse vetoja e Bullgarisë u hoq. I mbetet BE të plotësojë modalitetet për të bërë një takim i cili ka rangun diplomatik të samitit dhe tagrin për të hapur konferencën e parë ndërqeveritare. Rama ktheu një përgjigje shumë korteziale ndaj Kryeministrit të Bullgarisë. Serbia gjatë këtyre ditëve ka hapur dhe grupin e kapitujve të tretë sepse tani ka ndërruar proceduara nën propozimin francez, jo tani që kanë marrë presidencën por pak më përpara. Po shfrytëzon ‘Balkan Open’. Nuk besoj se BE nuk e di dhe nuk intereson kjo marrëdhënia e Serbisë me Rusinë. Serbia përdoret si një lloj rubineti i asaj që rrjedh nëpërmjet BE dhe Rusisë dhe anasjelltas.”