Këngëtari Mr. Elvis ishte sonte i ftuar në emisionin “Më lër të flas”, nga vëllezërit Veshaj.
Gjatë intervistës ai ka folur për vajzat shqiptare, të cilave ju ka kënduar aq shumë, duke bërë një krahasim mes vajzave shqiptare sot dhe të kohëve më parë. Këngëtari tha se ka një diferencë të madhe mes tyre, sepse më parë ishin më të edukuara dhe më të ndrojtura. Vajzat e ditëve të sotme sipas tij duhet të frenojnë pak.
“Në kohën time kanë qenë pak më të ndrojtura, tani duhet ti fusin pak frena dore. Dua të them të paktën për sa i përket sjelljes dhe edukatës duhet të jenë pak më… me guaskën, ta mbajnë në xhep. Jo të hyjë kush të dojë”- u shpreh ai.
Nuk na habisin aspak këto deklarata përgjithësuese në vendin tonë që i shohim çdo ditë të bëhen për figurën e femrës.
Djali nga Tirana, emri i të cilit është Elvis Bushi, u bë shumë i njohur për shqiptarët me pjesëmarrjen në edicionin e parë të “Top Fest” në vitin 2004, me këngën “Femrat shqiptare”. Këngët e tij bënë për vete publikun duke e kthyer në një ndër artistët më të dëgjuar të kohës dhe ndër hitet e tij më të famshme mund të përmendim “Ky jam unë”, “Femrat shqiptare”, “Freedom”, “Kur ke dhe kur s’ke pare”, “Good morning Albania” etj.