Përfaqësuesi Special i Bashkimit Evropian (EUSR) për Dialogun Beograd-Prishtinë dhe çështje të tjera rajonale të Ballkanit Perëndimor, Miroslav Lajçak, do të zhvillojë një vizitë dy ditore në Kosovë, duke filluar nga kjo e hënë.
Zyra e Bashkimit Evropian në Kosovë ka bërë me dije se Lajçak do të takojë kryeministrin Albin Kurti, liderë të opozitës dhe përfaqësues të bashkisë ndërkombëtare në vend.
“Gjatë qëndrimit në Kosovë, ai planifikon të vizitojë edhe Prizrenin dhe veriun e Kosovës. Fjalimi për media i EUSR Lajçak është planifikuar për të mërkurën, 29 qershor. Detajet do të ndahen me përfaqësuesit e mediave të martën, më 28 qershor”, thuhet në njoftim.