I pranishmëm virtualisht në Samitin e G7, presidenti ukrainas Volodymyr Zelensky, tha se dëshiron që lufta të përfundojë para se të nisë dimri. Për të moti në atë periudhë do ta bënte më të vështirë luftën në fushëbetejë, si dhe u ka bërë thirrje liderëve që të bëjnë maksimumin për t’i dhënë fund luftës para fundit të vitit.
Zelensky po ashtu ka kërkuar ndihmë për rindërtim të shtetit, sisteme për mbrojtje, ndihmë për të nxjerrë grurin jashtë shtetit, si dhe garanci për sigurinë. Ai po ashtu u ka kërkuar liderëve që të rrisin sanksionet kundër Rusisë.
Liderët perëndimorë janë duke tentuar të shpërfaqin një front të bashkuar, pasi kancelari gjerman, Olaf Scholz, ka thënë se sulmet ruse me raketa tregojnë se “ka qenë vendim i drejtë që të bashkohemi dhe t’i mbështesim ukrainasit”.
Presidenti amerikan, Joe Biden, ka thënë se presidenti rus, Vladimir Putin, ka menduar se NATO-ja dhe G7-ta do të ndaheshin, “mirëpo kjo gjë nuk ka ndodhur dhe as nuk do të ndodhë”.