Një ngjarje horror është zbuluar mbrëmjen e së hënë në SHBA. 46 persona janë gjetur të vdekur në një kamion të braktisur në periferi të San Antonio, Teksas.
Një zyrtar zjarrfikës tha për BBC se 16 persona, përfshirë katër fëmijë, ishin dërguar gjithashtu në spital. Të mbijetuarit ishin të goditur nga nxehtësia dhe lodhja.
San Antonio, i cili është 250 km (150 milje) nga kufiri SHBA-Meksikan, është një rrugë kryesore tranziti për trafikantët e njerëzve.
Trafikantët e qenieve njerëzore shpesh përdorin kamionë për të transportuar emigrantë, pasi i takojnë në zona të largëta pasi të kenë arritur të kalojnë në Shtetet e Bashkuara.