Një 23-vjeçar nga Shqipëria, është shpallur në kërkim në Gjermani për vrasjen e një 31-vjeçari. Fisnik Hoxha dyshohet se ka qëlluar disa herë me armë. Ngjarja ka ndodhur në Kiel mbrëmjen e së hënës.
Viktima u dërgua në spital, por nuk mundi t’u mbijetojë dot plagëve. Pas krimit, i riu u largua nga skena e krimit dhe kjo ka bërë që autoritetet ta shpallin atë në kërkim.
Po ashtu prokuroria ka ofruar 3 mijë euro dëmshpërblim për informacionet që çojnë në arrestimin e tij. Autoritetet dyshojnë se Hoxha mund të jetë i armatosur, prandaj bëjnë thirrje për kujdes.