Si pasojë e dëmtimit të disa fiderave të NST Traktora nga punimet e një subjekti publik, kanë mbetur pa energji disa zona në Tiranë.
Sipas një njoftimi nga OSHEE, pa energji kanë mbetur pjesërisht: Qesarakë, rrugët “4 Dëshmorët”, “Bajram Curri”, “Riza Cerova”, “Kongresi i Manastirit”, zona pranë gjimnazit “Çajupi”, rrugët “11 Shkurti”, “Bardhyl”, “Hoxha Tahsim”, zona “Kodra e Priftit”, rruga “Sitki Çiço”, Shkozë dhe zona pranë Freskut.
Grupet e avarisë së OSSH Tiranë janë në terren duke riparuar rrjetin e dëmtuar për rikthimin sa më të shpejtë të energjisë elektrike, thuhet në njoftim.