Ministrja e Turizmit, Mirela Kumbaro ka paralajmëruar se duke filluar nga 1 korriku do të nisin kontrollet dhe aktivizimi i gjobave për përdoruesit e qeseve plastike.
Teksa merrte pjesë në aktivitetin “Unë dhe ti për mjedisin”, ajo u shpreh se për të ndaluar njëherë e mirë qeset njëpërdorimshe nuk mjafton vetëm informimi.
“E kemi quajtur këtë fushatë “Unë dhe ti për mjedisin! Po ti çfarë do të bësh?” Ajo që ti mund të bësh është të marrësh që sot e tutje një torbë që të mos jesh i detyruar ta blesh një qese plastike, pavarësisht se kategoria e qeseve që janë në qarkullim, janë shumëpërdorimshe dhe do të blihen si mall. Që të kurseni para dhe të mbroni mjedisin, besoj që kjo është zgjedhja më e mire”, u shpreh ministrja Kumbaro.