Gjykata e Shkodrës vendosi masën arrest me burg për tre të arrestuarit si bashkëpunëtorë në vrasjen e Nard Polia, i njohur si Nardi i Bujtinave. Por seanca gjyqësore zbuloi edhe emrin e autorit, që policia e kishte dhënë vetëm me iniciale për mediat.
Vrasja dyshohet të jetë kryer nga Kristian Sulaj, vëllai i një prej të arrestuarve Alfred Martini, por që ka ndryshuar gjeneralitetet.
Lexo edhe: Çfarë thanë në polici të arrestuarit
Ndaj Gilbert Tomës, Kleandro Tomës (vëllezër) dhe Alfred Martinit u dha vendimi arrest me burg.
Ndërkaq, Kristian Sulaj dyshohet se ka kaluar përmes pikës kufitare të Murriqanit dhe është larguar nga Shqipëria. Në seancë dy vëllezërit Toma pretendojnë se i kanë dhënë makinën tip “Audi”, vëllezërve Martini. Ndërsa këta të fundit pretendojnë të kundërtën, se mjetin ia kanë dhënë ata Gilbertit dhe Kleandro Tomës.
Lexo edhe: La Italinë për Thethin, kush është biznesmeni i ekzekutuar në Shkodër