Deputetja demokrate Grida Duma ka rikonfirmuar edhe njëherë se do të jetë e pranishme në protestën e 7 korrikut, si edhe për gazetarët jashtë sallës së Kuvendit u shpreh se kryetari Sali Berisha ka vepruar drejtë me përfshirjen e deputetëve në grupet e punës.
Pyetje: Do angazhoheni për të thirrur njerëz në protestë?
Grida Duma: Absolutisht po. Kanë bërë shumë mirë që i kanë përfshirë deputetët kudo. E mira është përveç përfshirjes të kërkonin dhe mendime më tej sesa përfshirja. Duhet të kuptojmë qartë që grupi parlamentar duhet të ketë prestigjin e të respektohet si i votuar nga demokratët dhe nga shqiptarët. Si të tillë nuk është vetëm çështje që të jemi në grupe pune, duhet patjetër të konsultohen të gjithë deputetët sa i takon strategjisë që do të ndiqet. Unë jam pro protestave. Besoj që protesta do bashkojë demokratët pastaj se çfarë do bëjë hierarkia lart është çështje më e madhe se kaq.
Pyetje: Do zhvilloni takime për të parë si është strategjia?
Grida Duma: Patjetër, strategjia është të ketë pjesëmarrje së pari. Unë nuk kam qenë në ato takime e grupe, por e di shumë mirë që kontakte me kolegët që janë në grupe do mbajmë patjetër.