Ish-kryeministri Sali Berisha ka paralajmëruar nga foltorja e Kuvendit se do të depozitojë 6 padi ndaj kreut të grupit parlamentar të Partisë Socialiste, Taulant Balla.
“Ky Gentian Sharra aty (nënkupton Taulant Ballën) ka deklarauar se Sali Berisha ka tokë në Tiranë, Dhërmi dhe në Lalëz. Do të ketë 6 padi. 3 civile dhe 3 penale. Do të dalë edhe ai në kërkim si Gentian Sharra i tij…”deklaroi Berisha.
Lideri historik i të djathtës e ka akuzuar vazhdimisht Ballën për bashkëpunim me Gentian Sharrën, emri i të cilit doli së fundmi në skenë pas dëshmisë së të penduarit të drejtësisë Nuredin Dumani. Sharra akuzohet si i përfshirë në disa grabitje me armë se bashku me Talo Çelën, Dumanin dhe persona të tjerë.