Lideri historik i demokratëve, Sali Berisha ka planifikuar të zhvillojë sot një bashkëbisedim me shqiptarët që jetojnë nëpër botë.
Në aktivitetin që pritet të nisë në orën 20:00 me orën e Tiranës, ish-kryeministri shprehet si ai do t’iu përgjigjet pyetjeve që shqiptarët në Bruksel, Berlin, Londër, New York dhe Teksas kanë rezervuar për të.
“Të dashur miq, nëse jetoni jashtë vendit, kam kënaqësinë t’ju ftoj në një bashkëbisedim online mbi zhvillimet më të fundit në Shqipëri dhe sfidat e diasporës shqiptare. Jeni të ftuar të merrni pjesë me mesazhet dhe pyetjet tuaja kudo ndodheni, në Europë, SHBA apo Australi. Ju faleminderit! Tiranë, Bruksel, Berlin-ora 20:00 Londër-ora 19:00 New Jork-ora 14:00 Teksas-ora 13:00”, shkruan Berisha.
Kjo ftesë për bashkëbisedim me shqiptarët e diasporës vjen vetëm pak ditë para protestës së 7 korrikut.