Një 39-vjeçar nga fshati Grabiam i Fierit, është vënë nën hetim.
39-vjeçari me iniciale L. C. ishte duke djegur barërat në tokën e tij, teksa flakët i kanë dalë jashtë kontrollit dhe kanë djegur një tokë me prodhime bujqësore.
“Në vijim të punës hetimore për identifikimin dhe vënien përpara përgjegjësisë ligjore të autorëve të zjarrvënieve të qëllimshme apo nga pakujdesia, specialistët për Hetimin e Krimeve në Komisariatin e Policisë Divjakë referuan materialet në Prokurori dhe nisi procedimi penal për shtetasin L. C., 39 vjeç, banues në Dushk, pasi ka ndezur zjarr për djegien e barërave në tokën e tij, në fshatin Grabiam, dhe si pasojë e përhapjes së flakëve është djegur një sipërfaqe toke me prodhime bujqësore”, njofton Policia.