Që në ditën e parë të korrikut, vendi është përfshirë nga një mot i nxehtë, me temperatura që kanë arritur deri në 40 gradë C. Meteorologu Elvi Jahaj, nga Shërbimi Meteorologjik Ushtarak, thotë se të premten pritet një ndryshim drastik i motit, ku temperaturat do të bien me 11 gradë C si dhe do të ketë reshje shiu të shoqëruara herë pas here dhe me rrebeshe.
“Vendi vazhdon të ndikohet nga masa të nxehta nga Afrika. Temperaturat kanë arritur deri në 39-40 gradë C në rang vendi. Ndjesia reale është disa herë më e lartë. Për nesër dhe pasnesër do të vijojë që vendi të ndikohet nga masa ajrore të qëndrueshme.
Të premten pritet një ndryshim drastik i motit, ku do të kalojë një front i ftohtë atmosferik, ku pritet të ketë vranësira të dendura dhe me pak kthjellime. Reshjet pritet që të shoqërohen edhe me rrebeshe dhe stuhive. Pritet rënien e ndjeshme temperaturash prej 11 gradë C. Fundjava paraqitet me mot relativisht pa qendrueshëm”.