Maturantët e një shkollë në Elbasan janë braktisur në mbrëmjen e maturës nga drejtori i shkollës dhe mësuesit e tyre, pasi nuk ju kanë shkuar. Duket se mosprezenca e tyre , ka qenë për shkak se maturantët kanë dalë me rezultate negative në provimet e maturës shtetërore
Maturantja që mbante fjalën hapëse kishte përgatitur një fjalim ku falënderonte një për një drejtorin dhe mësuesit, por që i është rrëzuar poshtë, pasi ata nuk kanë shkuar. Ajo e ka hapur mbrëmjen me profesor Bujarin, i vetmi mësues që iu kishte shkuar në mbrëmje.
Gjithsesi, maturantja i ka përshëndetur edhe mësuesit e tjerë që nuk ishin prezent dhe sipas saj, situata me notat e këqija në provime është në të gjithë Shqipërinë.
“Ky ishte fjalimi që unë kisha përgatitur pak më parë, por fatkeqësisht, as drejtori dhe asnjë nuk është prezent përveç profesor Bujarit. Profesor, babai nuk na ka ardhur, xhaxhai nuk na ka ardhur, ftojmë kushëririn e tretë të na nderojë me mirëseardhjen e tij dhe ftojmë të hapim mbrëmjen tonë të maturës. Të falënderojmë profesor. Ato që nuk kanë ardhur ju përshëndesim. Na vjen shumë keq, ndoshta jeni penalizuar nga notat që kemi marrë sepse jo vetëm ne, por e gjithë Shqipëria ka dalë në atë situatë. Jemi shumë keq, jo vetëm në por të gjithë maturantët . Ndoshta nga ky fakt, mësuesit tanë janë penalizuar por, nuk kam çfarë t’ju them.” – shprehet maturantja që mbajti fjalën hapëse të mbrëmjes së maturës.