Debatet në Kuvendin e Shqipërisë, nuk kanë të sosur. Deputeti i PD-së, Xhelal Mziu, ka kërkuar interpelancë me ministren e Energjisë dhe Infrastrukturës Belinda Balluku.
Në qendër të diskutimit ishte ecuria e punimeve në rrugë e Arbrit. Projektin e cilësoi si korruptiv, ku Mziu shtoi edhe se rruga nuk plotëson as kushtet minimale për të qenë ndërlidhëse mes qyteteve.
“Nuk ka shqiptar që nuk e di se është korruptive. Rruga e Arbrit edhe sot e kësaj dite mbetet një rrugë e mbetur rrugëve, ose një ëndërr për dibranët, matjanët, bulqizakët. Jo vetëm që nuk ka mbaruar, por as gjysma e asaj rruge nuk ka mbaruar.
Kur e shikon në 3 D të duket sikur është një rrugë bashkëkohore, por në ato pak segmente që kanë mbaruar të vjen keq t’i quash rrugë nacionale. Ajo rrugë nuk plotëson kriteret e lidhjes me një qytete e jo më për të qenë një rrugë ndërkombëtare. Në çdo palë zgjedhje shkonin për të përfunduar punimet, por rruga as 50% e saj nuk ka mbaruar”.