Alfred Cako ka reaguar pas ndarjes nga jeta të gazetarit Kastriot Myftaraj, i cili u hodh këtë të enjte nga kati i katërt i banesës në të cilën jetonte.
Pavarësisht debateve që kishin për krijimin e të ashtuquajturës “Shqipëria e Madhe”, Cako shprehet se Myftaraj ishte njeri i mirë dhe atdhetar i fortë.
Në mesazhin e tij, ai shton se rrethanat e vdekjes së gazetarit mund të cilësohen misterioze, por kjo mbetet për t’u parë.
“Paska vdekur miku im i kahmotshëm Kastriot Myftaraj, ndoshta në mënyre Misterioze por mbetet për t’u parë. Përkundër polemikave që kisha me të dhe grindjeve që kemi patur kohëve të fundit, mund të them se jemi pajtuar në një pikë, Ajo tek Shqipëria e Madhe, vetëm se ai mendonte se ky bashkim i trojeve vjen nga zyret e Moskës kurse unë mendoj akoma se ajo vjen nga zyrët e Illuminatit. Në fund fare ishte njeri i mirë dhe atdhetar i fortë i Shqipërisë. Ju lehtësoftë shpirti i tij me dritën e Perëndisë. Të gjithë do ti rikthehemi Absolutës dhe Hyjnores. Nëse jo sot, atëher nesër po se po. Zoti e Bekoftë Popullin Shqiptar.”