Edhe 3 këngë të reja janë shtuar listës verore. Don Xhoni, Dafina dhe Fifi kanë publikuar këngët e reja.
“Katile” mban titullin kënga e reperit Don Xhoni, e cila është tipike verore e zhanrit hip-hop. Klipi i këngës është mjaft i veçantë pasi protagoniste e tij është influencuesja shumë e përfolur shqiptare, Megi Pojani.
Këngëtarja e njohur shqiptare, Dafina Zeqiri ka ardhur me një tjetër projekt të ri muzikor. Ashtu siç kishte paralajmëruar artistja ka sjellur këngë me titullin “Malli”, të cilën e ka shoqëruar edhe me një klip të veçantë. Në klip Dafina shfaqet tejet atraktive e shoqëruar nga një grup vajzash, madje në një moment ajo shihet e veshur me duvakun e nusërisë.
Reperi Gjiko dhe kantautorja Filloreta Raçi-Fifi, publikuan mbrëmjen e së enjtes bashkëpunimin e tyre më të ri. “Djegi krejt” mban titullin kënga e tyre, e cila është ritmike e zhanrit hip-hop dhe RnB. Muzika është realizuar nga producenti Big Bang beats, gjersa për vargjet e tekstit janë kujdesur vet Gjiko dhe Fifi.