Mëngjesin e sotëm u ankorua në portin e Durrësit, superjahti “Moonrise”, i cili është në pronësi të themeluesit të Whatsapp, Jan Koum.
Superjahti u ankorua rreth orës 09.30 dhe ndalesa e mëparshme e “Moonrise” ka qenë porti i Barcelonës, Spanjë.
Me një gjatësi prej rreth 100 metrash, mjeti lundrues super luksoz është prodhuar në vitin 2020, në një kantier në Holandë.
Jan Koum është një miliarder i lindur në Ukrainë në vitin 1976 dhe ka një pasuri 10 miliardë dollarë. Në moshën 16-vjeçare ai udhëtoi drejt SHBA së bashku me familjen e tij.
Kujtojmë se jahtet e huaja mund të furnizohen me naftë me çmim më të lirë, pa akcizë.