Mediat italiane kanë nxjerrë detaje të reja për 20-vjeçarin shqiptar që u gjet i pajetë në një tokë bujqësore.
Mësohet se i riu nuk kishte shumë kohë që ishte bashkuar me familjen e tij, e cila jetonte prej vitesh në Sparanise, në Agro Caleno.
I riu sapo kishte filluar punë në një fermë të madhe të specializuar në kultivimin e prodhimeve të serave.
Autoritetet italiane dyshojnë deri më tani se i riu shqiptar ka humbur jetën si pasojë e temperaturave të lartë teksa punonte. Megjithatë pritet që autopsia të tregojë shkaqet e sakta të vdekjes.