Presidenti i Rusisë, Vladimir Putin i drejtohet Perëndimit duke e paralajmëruar se sanksionet e vazhdueshme ndaj Moskës, do të rrezikojnë rritjen e çmimit të energjisë për konsumatorët në mbarë botën.
Lideri rus u shpreh se thirrjet e vendeve perëndimore për të reduktuar varësinë nga energjia ruse, kanë rritur çmimin e naftës dhe gazit.
“Sanksionet kundër Rusisë po shkaktojnë shumë më tepër dëme për ato vende që i imponojnë ato. Vendosja e mëtejshme e sanksioneve mund të çojë në pasoja edhe më të rënda, pa ekzagjerim, madje edhe katastrofike në tregun global të energjisë”, iu tha Putin udhëheqësve të industrisë ruse të naftës dhe gazit.