Çfarë do të bëjë tashmë Boris Johnson? Zyrtarët duan që kryeministri të marrë një rol të madh si lidhës diplomatik midis aleatëve perëndimorë dhe vendit të shkatërruar nga lufta ruse.
Sipas medias “The Sun”, kjo do t’i lejonte atij të ndërtonte marrëdhëniet e tij të ngushta me presidentin e Ukrainës, Volodymyr Zelesnky dhe të ruante një pozicion të fuqishëm në skenën botërore. Sigurisht që nëse Johnson pranon, kjo do të sigurojë që ai të vijojë të veprojë si një “irritues i madh” për despotin rus Vladimir Putin.
Lëvizja e cila po konsiderohet në nivelet më të larta është propozuar nga ish-këshilltarë të lartë të qeverisë. Një grup ish-këshilltarësh të lartë të strategjisë dhe oficerëve ushtarakë besojnë se Johnson do të ishte ideal për këtë post për shkak të qëndrimit të tij unik dhe njohurive për të gjitha palët kryesore.