17 vjet pas marrjes së statusit të vendit kandidat, Maqedonia e Veriut është pranë portës që do ti hapë rrugën për anëtarësimin në Bashkimin Europian, por më parë duhet të pranojë propozimin francez në lidhje me Bullgarinë.
Kancelari gjerman, Olaf Scholz në një letër drejtuar vendit, thotë se edhe nëse Maqedonia e Veriut do të pranojë propozimin francez, anëtarësimi i saj në Bashkimin Europian nuk do të jetë i lehtë.
“Dëshiroj të jem i hapur me ju. Edhe pas miratimit të këtij kompromisi, procesi i anëtarësimit në BE nuk do të jetë i lehtë. Pengesa të tjera do të duhet të kapërcehen. Por unë them po ashtu, bashkë do t’i përballojmë detyrat që kemi përpara”, shprehet Scholz.