Lufta ruse në Ukrainë është në ditën e 138, ndaj dhe vendi po përgatit një milion forca luftarake të pajisura me armë perëndimore për të rimarrë territoret jugore të pushtuara nga Rusia. Një deklaratë e tillë u bë e ditur nga ministri ukrainas i Mbrojtjes, Oleksii Reznikov.
Ai tha se Presidenti Volodymyr Zelensky ka dhënë urdhër për zhvillimin e planeve për çlirimin e zonave bregdetare, të konsideruara jetike për vendin. “Ne e kuptojmë se është politikisht e nevojshme. Presidenti ka udhëzuar komandën e lartë për të zhvilluar planet dhe shtabi i përgjithshëm do të komunikojë atë që nevojitet”.
Presidenti Zelensky nënvizon në mesazhin e tij të fundit se autorët rusë të sulmit në Donetsk do të ndëshkohen. “Një sulm me raketa në qytetin Chasiv Yar në rajonin e Donetskut. Të gjithë ata që japin urdhra për sulme të tilla, të gjithë ata që i kryejnë duke synuar qytetet tona, zonat e banuara, vrasin absolutisht në mënyrë të qëllimshme”.