Don Xhoni është një nga reperët më të dëgjuar dhe të komentuar. Ai ka publikuar projektin e ri “Katile”, ku në klip shfaqet edhe moderatorja e njohur Megi Pojani, e cila luan rolin e të dashurës së reperit, me të cilën martohet në fund. Klipi në fakt del të jetë “Copy-Paste”.
Skenat e klipit janë krejt të ngjashme me klipin që ka publikuar artisti armen Oksy Avdalyan me Super Sakon tre javë më parë. Madje dhe detajet janë absolutisht të njëjta, pa asnjë ndryshim. As edhe më të voglin.
Madje dhe skena e dasmës ku Megi Pojani rrëzohet është e njëjta. Detajet ju mund t’i dalloni vetë, ndërsa reperi ka vendosur që të heshtë dhe të mos komentojë asgjë.