Këtë mbrëmje ekipi i Tiranës do të luajë me objektivin e vetëm për të fituar. Pas humbjes minimale në takimin e parë, bardheblutë presin Dudelanzh në Tiranë në një ndeshje që nuk duket aspak e lehtë. Trajneri Orges Shehi në konferncën për shtyp në prag të sfidë, tha se beson tek përmbysja e madhe.
“E kam thënë edhe pas ndeshjes që tani duke parë kundërshtarin nga afër kemi besim edhe tek forcat tona, tek performanca e grupit dhe sigurisht në ndeshjen e parë performanca e njërit nuk është 100%. Por ka shumë faktorë që nuk duam të analizojmë, duke pasur parasysh që ndeshjen e dytë e përgatisim me qetësi, mendoj se performanca e ndeshjes së kthimit do të jetë shumë më e mirë se e ndeshjes së kaluar’’, u shpreh Shehi.
Nga ana tjetër, sa i përket formacionit me 11 titullarët që do të hedhë në fushë, tekniku bardheblu ka vetëm një dilemë, cili do të jetë lojtari që do të zëvendësojë Vesel Limaj që ndeshjen e parë doli me karton të kuq.