Banorët e Unazës së Re të cilët tashmë po protestojnë prej disa muajsh janë përplasur me forcat e policisë, duke çarë kordonin e tyre. Ato kanë qenë gra, të kryesuara nga ish deputetja demokrate Albana Vokshi.
Ajo tha për mediat se policia nuk po i lejon të protestojë, ndërkohë që kanë marrë leje për këtë gjë. “Kjo është dhunë ndaj grave”, tha Vokshi për mediat. Gratë dëgjohen teksa thonë “Sandër Lleshi dil te sheshi” teksa në zyrat e Ministrisë së Brendshme ka mbërritur delegacioni holandez.
Ngjarja ka ndodhur përballë Galerisë së Arteve, teksa protestuesit janë shpërndarë në pika të ndryshme rreth e rrotull.