Kryeministri Edi Rama ka mbërritur në Bruksel, ku është pritur nga Sekretari i Përgjithshëm i NATO-s, Jens Stoltenberg. Takimi vjen për propozimin e një baze ushtarke të NATO-s në portin e Durrësit. Stoltenberg falenderoi Shqipërinë për firmosjen e dekreteve të ligjeve për anëtarësimin e Finlandës dhe Suedisë. Ndër të tjera përgëzoi kryeministrin Edi Rama për vizitën në Ukrainë, ku ishte së bashku me kryeministrin e Malit të Zi, Dritan Abazoviç.
“Ballkani Perëndimor ka rëndësi të rëndësishme për NATO-s. Ne ramë dakord që të ftojë Finlandën dhe Suedinë për t’u bashkuar në NATO. Kjo dëshmon se dera e NATO-s është e hapur. Mirëpritja e tyre do i bëjë më të sigurta. NATO qëndron me Ukrianën ndërkohë që mbron veten e saj ndaj luftës me Rusinë. Kjo do të vazhdojë me ta. Mbështes angazhimin për Ukrainën, kështu që Rama, faleminderit për kontributin tuaj. Edhe njëherë mirëseerdhët”,–tha Stoltenberg.
Partia Demokratike thotë se pas propozimit të kryeministrit Edi Rama për të ndërtuar një bazë ushtarake të aleancës në portin e ri të Durrësit, fshihet një “aferë korruptive”. Zëdhënësja e PD, Floriana Garo, në një dalje për mediat ditën e djeshme, tha se qëllimi i Ramës është spostimi i portit ekzistues tregtar dhe ushtarak mijëravjeçar të Durrësit për në Porto Romano.
Pjesë nga mbërritja dhe takimi me Sekretarin e Përgjithshëm të NATO-s, Jens Stoltenberg