Policia greke ka arrestuar dy persona, të cilët ishin në kërkim për vrasjen e një oficeri policie në prill të 2017-ës, periudhë kjo që përkon me vrasjen e Artan Cukut.
Media greke raporton se bëhet fjalë për dy shqiptarë të moshës 38 dhe 42 vjeç.
Operacioni i policisë greke për arrestimin e dy shqiptarëve u bë në zonën Glifadha në Athinë, ndërsa ata akuzohen si të përfshirë në një ngjarje në 22 janar 2022 në Voula. Gjatë një konflikti për larje hesapesh mes dy grupeve shqiptarësh jashtë një furre buke ne rrugën “Ermou”, u plagosën me armë 3 persona, ndërsa 2 të tjerë me sende të forta.
Pas disa muaj hetimesh janë identifikuar 3 nga autorët, dy prej të cilëve rezultojnë të kërkuar në Shqipëri për vrasjen e policit ndërsa një tjetër rezulton në burg për krime të tjera.
Mësohet se një prej personave rezulton i mbrojtur nga një nga avokatët me emër në Greqi. Policia bën me dije se në ngjarjen në Voula morën pjesë 6 persona.