I dërguari i Bundestagut Gjerman për Ballkanin Perëndimor Adis Ahmetoviç, në konferëncën me gazetarët në Tiranë, tha se Kosova e meriton liberalizmin e vizave. Po ashtu ai u shpreh se nuk e dinë se çfarë problemi ka Bashkimi Europian.
“Jam një prej anëtarëve gjerman që mbështes Kosovën, është vendi i Europës që kam mbështetur më së shumti. Mbi 90% e shoqërisë në Kosovë e dashurojnë BE dhe NATO. Ata e meritojnë liberalizmin e vizave.
Meritojnë të jenë anëtarë të Këshillit të Europës. Ka mbështetjen tonë të plotë për procesin e integrimit europian dhe anëtarësimin në Këshillin e Europës. Nuk e di cili është problemi i fqinjave tanë të BE. Se di çfarë mendon Parisi, por ka pasur diskutime shumë intensive dhe me kolegët e mi për këtë.
Në këtë moment familja europiane nuk është e bindur, por Gjermania është e bindur. E kemi thënë qartë. Kosova e meriton liberalizmin e vizave sepse çdo vend ka të drejtë të marrë viza, të punojë të udhëtojë në çdo vend të BE”.