Raporti vjetor i prokurorisë së përgjithshme “Mbi gjendjen e kriminalitetit për vitin 2021”, është prezantuar këtë të enjte në Kuvend nga kryeprokurori Olsian Çela.
Ai tha se gjatë vitit 2021, prokuroria ka trajtuar në total 61015 materiale, që përbën një rritje prej 4,35 % në krahasim me vitin 2020. Përqindjen më të ulët të kriminalitetit e ka qarku i Dibrës, ndërsa përqindjen më të lartë e ka qarku i Vlorës.
“Evidentohet se veprat penale kundër rendit dhe sigurisë publike përbëjnë numrin më të lartë të procedimeve penale të regjistruara me 28,88 % të numrit të përgjithshëm, me një rritje 9,62 % krahasuar me vitin 2020. Ato pasohen nga vjedhjet e pasurisë, që përbëjnë 27,86 % të numrit të përgjithshëm të procedimeve të regjistruara, por me ulje 12,67 % krahasuar me një vit më parë”.
Vrasje, atentate mafioze kanë tronditur vendin kohët e fundit, dhe autorët janë të lirë. Akuzat për pasgurinë në vend, disa kohë më parë ministri i Brendshëm, Bledi Çuçi tha se janë veç se politike.