Supermodelja ruse Irina Shayk është kritikuar gjerësisht nga ndjekësit e saj për “mbështetje të luftës së Vladimir Putin”.
Ajo ka përdorur në rrjetin e saj social “Instagram” simbolin “Z”, të agresonit rus në Ukrainë.
Ajo gjithashtu postoi një foto të një sallate tradicionale Olivier, shoqëruar me frazën “Russianzz të mërkurën”, duke provokuar zemërim nga ukrainasit dhe të tjerët që e interpretuan si një referencë për simbolin Z të luftës.
Kjo ka mjaftuar për t’u sjellë në kujtesë përdoruesve të mediave sociale se, ylli me origjinë ruse dhe ish-e fejuara e yllit të Hollywood, Bradley Cooper, kishte pozuar më parë me një libër që tregonte imazhin e Vladimir Putin.
Menjëherë kanë vërshuar komentet negative për modelen ruse.
“Unë me të vërtetë shpresoj që këto marka të rishqyrtojnë punën me modelen, kur Rusia përdor simbolin Z për të vrarë ukrainasit”, ishte një nga komentet.
Ndërsa një tjetër nuk nguroi të shprehte mendimet e tij radikaliste në lidhje me këtë çështje.
“Shpresojmë që një ditë të ndiheni njësoj si njerëzit nga Ukraina që humbën fëmijët e tyre” shkruan ai.