Një 4-vjeçare e quajtur Liza është një nga tre fëmijët e vegjël të vrarë të enjten nga raketat ruse, të cilat goditën qendrën e Vinnytsia në Ukrainë.
Nëna e saj, Irina Dmitrieva, u plagos rëndë gjatë sulmit.
Pak para se të godasin raketat, Irina kishte postuar një video në rrjetet sociale. Ishte një ditë e bukur me diell dhe Liza e vogël ishte duke buzëqeshur, duke shtyrë karrocën e saj rozë, ndërsa bisedonin për të shkuar tek logopedi i saj.
“Liza ishte shumë e gëzuar, i pëlqente të vinte tek ne. Ajo ishte një fëmijë shumë i sjellshëm. Për nënën e saj ishte i gjithë kuptimi i jetës së saj. Ajo e donte atë çmendurisht. As që mund ta imagjinoj se çfarë tragjedie është për familja”, tha Valeriia Korol për BBC.
23 persona mësohet se kanë humbur jetën dhe tetë të tjerë janë ende të zhdukur.