Rafael Caro Quintero, një prej bosëve më të mëdhenj të drogës në Meksikë, ka rënë në prangat e policisë.
Drejtuesi i kartelit famëkeq në Sinaloa pritet të ekstradohet drejt Shteteve të Bashkuara të Amerikës, pasi akuzohet për vrasjen e një agjenti amerikan të antidrogës në vitin 1985.
Rafael Caro Quintero dhe të pandehurit e tjerë u paditën në maj të vitit 1987 në gjykatën federale të Los Anxhelosit me akuzat për rrëmbim, torturimin dhe vrasjen në Meksikë të agjentit të Anti- drogës, Enrique “Kiki” Camarena.
Caro Quintero u kap pranë qytetit të San Simón në shtetin meksikan të Sinaloas. Ai ishte në listën e më të kërkuarve të FBI-së, ndërsa për kapjen e tij ishte vendosur një shpërblim prej 20 milionë dollarësh.