Ngjarje e rëndë në autostradë, merr flakë mjeti dhe shkrumbohet tërësisht

Një automjet ka marrë flakë mëngjesin e kësaj të martën në autostradën Tiranë-Durrës. Mësohet se ka marrë flakë në lëvizje e sipër dhe është djegur plotësisht, mjeti me drejtues shtetasin J. S. Si pasojë e zjarrit ka vetëm dëme materiale. Paraprakisht dyshohet se zjarri ka rënë si pasojë e një defekti në mjet. Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.