Komisioneri për Zgjerimin dhe Fqinjësinë e mirë në BE, Oliver Varhelyi, theksoi përkushtimin europian për të sjellë të gjithë rajonin në BE. Për të sot po bëhet një hap i madh drejt këtij angazhimi.
“Ne po hapim negociatat e anëtarësimit me Shqipërinë dhe Maqedoninë e Veriut. Në ndryshimin e mjedisit gjeopolitik, prioriteti ynë mbetet Ballkani Perëndimor. Ne jemi të përkushtuar më shumë se kurrë për të sjellë të gjithë rajonin në BE. Sot ne po bëjmë një hap të madh drejt këtij angazhimi”, shkroi Varhelyi në Twitter.
“Sot po mbajmë konferencën e parë ndërqeveritare politike me Maqedoninë e Veriut. Kemi punuar shumë për të qenë këtu sot. Mezi pres të bashkëpunoj me ju drejt objektivit tonë të përbashkët: Maqedonia e Veriut të anëtarësohet në BE. Ballkani Perëndimor në BE”, vijon më tej komisioneri.